ప్రత్యేక హోదా అంటే ఏమిటి?

ప్రత్యేక హోదా అంటే ఏమిటి ? దాని వలన నిజంగా కలిగే ప్రయోజనాలు ఏమిటి?

రాష్ట్రం  అంతా ప్రత్యేక హోదా మీద చర్చ నడుస్తున్నది. కేంద్రం ప్రత్యేక హోదా ఇవ్వలేము దానికి  బదులుగా ప్రత్యేక ప్యాకేజీ ఇస్తాము అని ప్యాకేజీ కింద కొంత ప్రకటించింది. అధికార పక్షం కూడా ఇచ్చింది తీసుకుందాం మనకు హక్కుగా రావాల్సిన దాని కోసం పోరాడుతాం అంటున్నది. విపక్షాలు మాకు ప్యాకేజీ వద్దు ప్రత్యేక హోదానే కావాలి అని నిరసన వ్యక్తం చేస్తున్నాయి.
ప్రత్యేక  హోదా కావాలనే వారిలో చాలామందికి హోదా మీద పూర్తి అవగాహన లేదు అనేది సత్యం, దీనిని ఆసరాగా చేసుకొని ఎవరి ఇష్టం వచ్చినట్టు వారు సొంత పైత్యాలు రుద్దుతున్న ఈ సమయంలో అసలు ఈ ప్రత్యేక హోదా అంటే ఏమిటో ఒకసారి చూద్దాం…

ఆంధ్రప్రదేశ్ రాష్ట్రానికి అప్పటి ప్రధాని ఇచ్చిన హామీలు ఏమిటి ?

ఆంధ్రప్రదేశ్ రాష్ట్ర విభజన చేసినప్పుడు నాలుగు ప్రధాన హామీలు ఇచ్చారు  అవి
1. ఆంధ్రప్రదేశ్ విభజన చట్టం సెక్షన్ 90 క్రింద పోలవరం ప్రాజెక్ట్
2. సెక్షన్ 94  క్రింద పారిశ్రామీకరణకు పన్ను రాయితీలు
3.20-02-2014న రాజ్యసభలో నాటి ప్రధాని మన్మోహన్ సింగ్  ఆంధ్రప్రదేశ్ రాష్ట్రానికి ఐదు సంవత్సరాల పాటు ప్రత్యేక హోదా ఇస్తాము అనే ప్రకటన
4. రాష్ట్ర రెవెన్యు లోటుని అంచనా వేసే బాధ్యత 14వ ఆర్ధిక సంఘానికి అప్పగించడం
ఇంకా అనేక సెక్షన్లు ఉప సెక్షన్లు ఉన్నాయి అవన్ని ఇప్పుడు అనవసరం మన సమస్యల్లా ప్రత్యేక హోదా కాబట్టి దాని వరికే పరిమితం అవుదాము

అసలు ఈ ప్రత్యేక హోదా అంటే ఏమిటి ?

ఇది అర్ధంచేసుకోవాలంటే ముందు కేంద్ర ప్రభుత్వ ఆదాయం అందులో నుంచి రాష్ట్ర ప్రభుత్వాలకు పంచే విధానం గురుంచి  కొంత తెల్సుకోవాలి.
కేంద్ర ప్రభుత్వం వసూలు చేసే పన్నులులో  నుండి కొంత భాగాన్ని రాష్ట్రాలకు పంచుతoది. వాటిని రెండు విధాలుగా పంచుతారు
1. ప్లాన్ ఫండ్స్ (Plan Funds)
2. నాన్ ప్లాన్ ఫండ్స్  (Non-Plan Funds)
ప్లాన్ ఫండ్స్ (ప్రణాళికా నిధులు) ప్లానింగ్ కమిషన్ (ప్రణాళికా సంఘం) కేటాయిస్తుంది. ప్రతి ఐదు ఏళ్ళకి ఈ ప్లానింగ్ కమీషన్ పంచ వర్ష ప్రణాళికని సిద్దం చేస్తుంది. ప్లాన్ ఫండ్స్ నుంచి అభివృద్ధి పధకాలకు ఖర్చు చేస్తారు
ఉదాహరణ : రోడ్లు, ఇర్రిగేషన్ ప్రాజెక్ట్ లు,  ఆరోగ్య రంగంకి, ఇలా అన్న మాట. 
నాన్ ప్లాన్ ఫండ్స్ నుంచి రాష్ట్ర ప్రభుత్వాలు సంక్షేమ పధకాలు, జీతభత్యాలు మొదలయిన వాటికి ఖర్చు చేస్తారు. వీటిని ఎలా ఉపయోగించాలి అనేది చెప్పడానికి ప్రతి ఐదు ఏళ్ళకి ఒక ఆర్ధిక సంఘం ఏర్పాటు చేస్తారు .ప్రతి ఆర్ధిక సంఘం అప్పటి అవసరాలను దృష్టిలో పెట్టుకొని నిధులు రాష్ట్రాల మధ్య పంచి పెడతారు. అప్పటి ప్రభుత్వాలని బట్టి లెక్కలు మారుతుంటాయి.

రాష్ట్రాలకి ప్రత్యేక హోదా అనేది ఎప్పుడు మొదలైంది :

1968 లో ప్లానింగ్ కమీషన్ మొదటి సారిగా  ఈశాన్య రాష్ట్రాలు అయిన నాగాలాండ్ , అస్సాం లతొ పాటు జమ్మూ కాశ్మీర్ కు ప్లాన్ ఫండ్స్ లో భాగంగా కొంత ప్రత్యేక గ్రాంట్ ని వారికి ప్రత్యేకంగా (కొండ ప్రాంతాలు ,ఇతర దేశాల స్సరిహద్దులు అవడం పారిశ్రామీకీకరణకు అవకాశాలు తక్కువ కావడం వల్ల )మొదటి సారిగా ఇచ్చింది. ఐదవ ప్లానింగ్ కమీషన్ 1974 సంవత్సరం లోఇంకో ఏడు రాష్ట్రాలకు కూడా ఈ ప్రత్యేక గ్రాంట్ ని ఇచ్చింది. వీటిని ప్రత్యేక హోదా కలిగిన రాష్ట్రాలుగా పిలవడం పరిపాటి.
ఈ ప్రత్యేక  హోదా కలిగిన రాష్ట్రాలకు ఇచ్చే ప్రత్యేక నిధులు ప్లాన్ ఫండ్స్ లోనే  ఇస్తారు కాని  నాన్ ప్లాన్ ఖర్చుకి కాదు ఇది ముఖ్యమైన విషయం.

ఏమిటీ గాడ్గిల్ -ముఖర్జీ ఫార్ములా :

ఇది 1992-93 లో వచ్చింది. గాడ్గిల్ ఫార్ముల ప్రకారం  మొత్తం కేంద్ర ఆదాయంలో  ముందు గా ప్రత్యేక హోదా కలిగిన రాష్ట్రాలకు  కావాల్సిన నిధులు ఇచ్చిన తర్వాత మిగిలిన దానిని ఇతర రాష్ట్రాలకు పంచాలి అని. ఈ ఫార్ముల పై అనేక తర్జనభర్జనలు జరిగాక రాష్ట్రాల అభ్యంతరాలను పరిగణలోకి తీసుకొని 1991 లో అప్పటి ప్లానింగ్ కమీషన్ డిప్యుటీ చైర్మన్ ప్రణబ్ ముఖర్జీ నాయకత్వంలో ఒక కమిటీ వేసారు.
ఆ కమిటీ ఇచ్చిన నివేదికే ఈ గాడ్గిల్ – ముఖర్జీ ఫార్ములా, దాని ప్రకారం ప్రత్యేక హోదా కలిగిన పది రాష్ట్రాలకు కేంద్రo వాటాగా రాష్ట్రాలకు ఇచ్చే ప్లాన్ నిధులలో 30 శాతం కేటాయించారు మిగతా 70 శాతం ప్రత్యేక హోదా లేని ఇతర రాష్ట్రాలు ఇవ్వలని ప్రతిపాదించారు.
ప్రత్యేక హోదా రాష్ట్రాలకు కేంద్ర ప్రభత్వ పధకాల్లో 90% గ్రాంట్ గా 10%  అప్పుగా పరిగణించబడుతాయి ఇతర రాష్ట్రాలకు అది 30%-70% గా ఉంటుంది.
అలా 2002లో అప్పటి NDA ప్రభుత్వంలో ఉత్తరప్రదేశ్ నుండి ఉత్తరాఖండ్ ఏర్పడినప్పుడు కేంద్ర కాబినెట్ ఆ రాష్ట్ర బౌగోళిక పరిస్థితుల దృష్ట్యా ప్రత్యేక హోదా కోసం పర్సీలించి ఒక నివేదికని NDCకి (National Development Council) ముందుకు తెచ్చారు. అలా NDC ఆమోదం తర్వాత ఉత్తరాఖండ్ కు ప్రత్యేక హోదా ఇచినట్టు అయినది. ఉత్తరాఖండ్ రాష్ట్రమే ప్రత్యేక హోదా కలిగిన చివరి రాష్ట్రం.

ప్రత్యేక హోదా కలిగి ఉండాలంటే కొన్ని ప్రమాణాలు ఉండాలి

  • రాష్ట్రం పొరుగు దేశం తో సరిహద్దు కలిగి ఉండాలి.
  • ముప్పాతిక భాగం కొండలు గుట్టలతో నిండి ఉండాలి
  • జీవన ప్రమాణాలు తక్కువ ఉండి ఉండాలి
  • పారిశ్రామీకీకరణ , ఇన్ఫ్రా స్ట్రక్చర్ తక్కువ స్థాయిలో ఉండటం
ఇలా కొని పరిమితులకు లోబడి ఉండాలి. అలా ఉన్న రాష్ట్రాలకే ప్రత్యేక హోదా ఇస్తారు.
విభజన అప్పుడు అన్ని ప్రమాణాలు లేకపోయినా కొన్ని ఉండటం వల్ల అప్పటి రాజకీయ కారణాల వల్ల మనకు ఇస్తాము అని హామీ ఇచ్చారు. కాని ఆంధ్రప్రదేశ్ విషయంలో పార్లమెంట్ లో ప్రధాని హామి తరువాత కేంద్ర కాబినేట్ తీర్మానం చేసి ప్లానింగ్ కమీషన్ కి పంపి, నివేదిక వచ్చేలోపే ప్రభుత్వం మారిపోయింది. ఇప్పుడు వచ్చిన ప్రభుత్వం ప్లానింగ్ కమీషన్ ని NDCని రద్దు చేసింది. అది అలా ఉంచితే..
 ఇక్కడ మనం గమనించాల్సింది ఏమిటి అంటే ఈ ప్రత్యేక హోదా కలిగి ఉండటం వల్ల మనకు మామూలుగా వచ్చే వాటా కంటే ఎక్కువ నిధులు వస్తాయి అది కూడా ప్లాన్ ఖర్చుకి మాత్రమే. పన్నురాయతీలు లాంటివి లేవు అవి ప్రత్యేక హోదాలో భాగం కానేకాదు.

పన్ను రాయితీలు – అవి ప్రత్యేక హోదాలో భాగమా ?  –  “కానే కాదు”

1968 నుండి రాష్ట్రాలకి ప్రత్యేక హోదా ఉన్నాగాని పన్ను రాయితీలు మాత్రం 2002 నుండి మాత్రమే ఆ మినహాయింపులు అమలులోకి వచ్చాయి. అవి కూడా 5 ఏళ్ళపాటు మాత్రమే ఇచ్చారు. ప్రత్యేక హోదా కలిగిన రాష్ట్రాలకు ఉన్న భౌగోళిక పరిస్థితుల దృష్ట్యా మరియూ సరిహద్దు రాష్ట్రాలు అయి ఉండటం వలన ఈ సదుపాయం అప్పటి ప్రభుత్వం కల్పించింది.
అప్పటి వరకు ప్రత్యేక హోదా ఉన్న8 రాష్ట్రాలకు 2005 వరకు, సరిహద్దు రాష్ట్రాలు అయిన ఉత్తరాఖండ్, హిమాచల్ ప్రదేశ్ మరియు జమ్మూ కాశ్మీర్ కు 2010 వరకు పన్ను రాయితీలు కల్పించారు.
అయితే తరువాత వచ్చిన UPA వాటిని మరో 7 సంవత్సరాలు (5 ఏళ్ళు ఒకసారి, 2 ఏళ్ళు మరోసారి) పొడిగించింది. అలా వచ్చిన పన్నురాయితీలు 2014తో 8 రాష్ట్రాల్లో మినహాయింపుల నుండి ఉపసంహరించడం అయింది.
ఉత్తరాఖండ్, హిమాచల్ ప్రదేశ్ మరియు జమ్మూ కాశ్మీర్ కు 2017తో ఉపసంహరింస్తారు. ఆ తరువాత దేశంలో ఎక్కడా పన్ను మినహాయింపులు ఉండవు.

“2017 తరువాత దేశంలో ఏ రాష్ట్రంలో కూడా పన్ను రాయితీలు ఉండవు”

 పన్ను మినహాయింపులు తీసి వేసినా ఇవి ప్రత్యెక రాష్ట్రాలుగా చలామణి అవుతున్నాయి ఎందుకంటే సరిహద్దు రాష్టాలు, కొండ ప్రాంతాలు అవటం వలన ప్రత్యేక హోదా ఉంది మరి దాని వల్ల ఉపయోగం ఏమిటి అంటే .. అదే చౌహాన్ ఫార్ములా!

 ఏమిటీ చౌహాన్ ఫార్ములా..?

NDA ప్రభుత్వం 2014లో అధికారంలోకి రాగానే పబ్లిక్  ఫైనాన్సు మరియు ఆర్ధిక అభివృద్ధి నమూనా విప్లవాత్మక మార్పులు రూపేణా ప్రణాలికా సంఘాన్ని, జాతీయ అభివృద్ధి మండలిని రద్దు చేసి నీతి ఆయోగ్ ని ఏర్పాటు చేసింది. ఈ నీతి ఆయోగ్ అనేది కేంద్ర ప్రభుత్వానికి ప్రణాలికా సంఘం, ఫైనాన్సు కమిషన్ చేసే పనులను ఇంకా బాగా ఎలా చేయొచ్చో లెక్కలు, సలహాలు చెప్పే సలహా మండలి మాత్రమే… అంతకన్నా ఎటువంటి అధికారాలు లేవు.
ప్రణాళిక సంగం లేదు కాబట్టి ప్లాన్ ఫండ్స్ లాంటివి ఇంకా లేవు. ఫైనాన్సు కమీషన్, NDC లాంటివి లేవు కాబట్టి ప్రత్యేక హోదా లాంటివి, ఆ హోదాతో 30% నిధులు లాంటివి కూడా లేవు… అన్నిటికీ చరమ గీతం పాడింది కేంద్ర ప్రభుత్వం. అలానే 14వ ఆర్ధిక సంఘం ఇకనుండి ఏ రాష్ట్రానికి ప్రత్యెక హోదా అవసరం లేదు, ప్రతి రాష్ట్రాన్ని ఆ రాష్ట్రం యొక్క అవసరాలను బట్టి నిధులు ఇవ్వాలి అని చెప్పింది. అలా ప్రతి రాష్ట్రానికి ఉన్న లోటుపాట్లను పూరించటానికి పూనుకుంది.
  • కేంద్ర – రాష్ట్ర  ఆదాయ పంపిణి ని కూడా మార్చేసింది. గతంలో కేంద్రం రాష్ట్రానికి ఇచ్చే నిధులు 32%గా ఉంటే వాటిని 42%కు పెంచింది..
  • దానితో పాటు  ఆర్దికలోటుతో ఇబ్బందులు పడుతున్న రాష్ట్రాలకు  ప్రత్యేక గ్రాంట్ లు కేటాయించింది. గతంలో ప్రత్యేక హోదా ఉన్న 11 రాష్ట్రాలతో పాటు ఆర్ధిక లోటున్న మన ఆంధ్రప్రదేశ్, పశ్చిమ బెంగాల్ మరియూ కేరళ  రాష్ట్రాలని కూడా కలిపింది.
  • అయితే పశ్చిమ బెంగాల్, కేరళకు ఈ ప్రత్యేక గ్రాంట్ ని కేవలం 1 సంవత్సరానికే పరిమితం చేసారు.
  • మన ఆంధ్ర ప్రదేశ్ కు, గత 11 ప్రత్యేక హోదా రాష్ట్రాలకు 5 ఏళ్ళు ఇచ్చింది. ఎట్టాగో ఆ 11రాష్ట్రాల సరసన చేరింది మన రాష్ట్రం.(ఈ రకంగా ఆంధ్ర ప్రదేశ్ రాష్ట్రం 5ఏళ్ళల్లో దాదాపు 22,500 కోట్ల రూపాయిలు అందుతాయి. ఇది కేంద్ర ప్రభుత్వం మనకు ప్రత్యేకంగా ఇచ్చినది ఏమి కాదు అందరితో పాటే రెవిన్యూ లోటు భర్తీ కింద ఇవ్వక తప్పని చట్ట బద్ధమైన హక్కు)
ఈ ఆర్ధిక సంఘం ప్రణాలికేతర అనగా Non-Plan Funds అంశాలపై జీతభత్యాలు, సంక్షేమ నిధులపై అజమాయిషీ చేస్తుంది.
అసలు ఈ ప్రణాలికా సంఘం, ఫైనాన్సు కమిషన్, పంచవర్ష ప్రణాళిక ఇవన్నీ రద్దు చేసిన తరువాత ఈ నిధులు ఏమయ్యాయి? ఎక్కడికి పోయాయి? ఎలా పంచబడ్డాయి? వీటి కోసం మధ్యప్రదేశ్ ముఖ్యమంత్రి నేతృత్వంలో ఒక కమిటీని నీయమించారు. ఆ కమిటీ ఇచ్చిన ఫార్ములానే ఈ “చౌహాన్ ఫార్ములా”.
చౌహాన్ ఫార్ములా ప్రకారం అందుబాటులో ఉన్న నిధులను ఆయా రాష్ట్రాల భౌగోళిక, ఆర్ధిక, సామజిక స్థితిగతులను బట్టి పంచుతారు. ఆ నిధులను రెందు రూపాలలో అందిస్తారు.
1. సెంట్రల్లి  అస్సిష్టేడ్ స్టేట్ ప్లాన్( CENTRAL ASSISTED STATE PLAN – CASP) 
2. యక్ష్టర్నల్లి  ఎయిడెడ్ ప్రాజెక్ట్ ( EXTERNALLY AIDED PROJECT – EAP)
నిధులలో CASPదే  అధిక భాగం. అన్ని రాష్ట్రాలకు 60% CASP నిదులు వస్తాయి,  ఆ 11 రాష్ట్రాలకు మాత్రం 90% నిధులు పొందుతాయి. ఈ 11 రాష్ట్రాలు భౌగోళికంగా చిన్నవి కాబట్టి కేంద్రమిచ్చే అదనపు 30% నిధులు పెద్దగా ప్రభావం చూపావు.
EAP  (Externally Aided Projects)  అంటే ఏమిటి ?
కొన్ని సార్లు  కేంద్ర ప్రభుత్వం ప్రపంచ బ్యాంక్ నుంచి కాని ఆసియా అభివృద్ధి బ్యాంక్ నుంచి కాని ఇతర విదేశీ సంస్థల నుంచి కాని నిధులు తెచ్చి కేంద్ర పధకాలను అన్ని రాష్ట్రాల్లో అమలు చేస్తుంది. అలాంటి నిధుల్లో కేంద్రం 60% ఖర్చు భర్తిస్తే రాష్ట్రాలు 40% భరిస్తాయి.ప్రత్యేక హోదా ఉన్న రాష్ట్రాలుకు అవి కేంద్రం 90% – రాష్ట్రం 10% భరిస్తాయి.
అదే రాష్ట్రాలే సొంతంగా EAPలు తెచ్చుకుంటే మొత్తం అప్పు రాష్ట్రమే భరించుకోవాలి కేంద్రం హామీ దారుడిగా మాత్రమె వ్యవహరిస్తుంది.

అది సరే, మన ఆంధ్రప్రదేశ్ ప్రత్యేక హోదా పరిస్థితి ఏమిటి ?

  • 2014 ఫిబ్రవరిలో మన్మోహన్ సింగ్ ప్రధాని గా ఉన్నప్పుడు ప్రత్యేక హోదా అనే అంశం ఉంది.
  • 2014, జూన్ కి మోడీ ప్రభుత్వంలో అ హోదా అనే యవ్వారమే తీసేసాడు
  • గతంలో ప్రత్యేక హోదా ఉన్న రాష్ట్రాలను ఇప్పుడు హిల్ స్టేట్స్ గా వ్యవహరిస్తున్నారు.
  • గతంలో 30% ప్లాన్ ఫండ్స్ ని పంపిణీ చేసేవారు ఈ రాష్ట్రాలకి ఇప్పుడు చౌహాన్ ఫార్ములా ప్రకారం 90% గ్రాంట్ గా CASP & కేంద్ర EAP(ఉంటే) లభిస్తున్నాయి.

మరి మన సంగతి ఏమిటి ? మనకిచ్చిన హామీ ఏమైంది?

మరి రాజ్యసభలో ప్రధాని హామికి విలువలేదా అని మన అడుగుతున్నాం?
అసలు  ప్రత్యేక హోదా అనేదే లేనప్పుడు మేము మీకు హోదా ఎలా ఇస్తాం అని కేంద్రం మొండికేసింది.
.
అలాంటప్పుడు హోదా పేరుతో కాకుండా CASPలో 30% అదనంగా ఇవ్వమని మన ముఖ్యమంత్రి  చంద్రబాబు గారు అడిగారు. దానికి కేంద్రం మీకు అలా ఇవ్వడం కుదరదు అలా మీకు ఇస్తే అన్ని రాష్ట్రలు అడుగుతాయి అంతే కాక బడ్జెట్ లో కూడా ప్రొవిజన్ లేదు. అలా ఇస్తే ప్రత్యేక హోదా రద్దు చేసిన ప్రధాన ఉద్దేశం నీరుగారి పోతుందాని చెప్పటం మొదలెట్టారు.
ఈ సందర్భంగా అనేక సార్లు ముఖ్యమంత్రి చంద్రబాబు ఢిల్లీ వెళ్ళటం, ఆయన వివిధ పద్దతులు – అనేక ఫార్ములాలు కేంద్ర ఆర్ధిక శాఖ ముందుంచటం వాటిని ఏదో ఒకటి చెప్పి తిరస్కరించటం. రెండు సంవత్సరాల నుండి ఇదే తంతు.
చివరకు ముఖ్యమంత్రి చంద్రబాబు నాయుడు ఒక పరిష్కార మార్గం ప్రతిపాదించారు.
“CASPలో ఎక్కువ ఇవ్వమంటే కదా మీకు ఇబ్బంది; ఇతర రాష్ట్రాలు అడ్డం పడుతాయి అని అంటున్నారు కాబట్టి మాకు CASPలో ఇచ్చే 30% నిధులను కేంద్ర EAPలో ఇవ్వండి” అని. CASP అనేది అన్ని రాష్ట్రాలకు ఒకే విధంగా ఉంటది అదే EAP అయితే ఏ రాష్ట్రం అవసరనికి అనుగుణంగా ఆ రాష్ట్రానికి ఉంటుంది కాబట్టి దానిని ఇతర రాష్ట్రాలు అభ్యంతర పెట్టలేవు అని మార్గం చూపారు.
  • బాబు ప్రతిపాదనకు కాదు కుదరదు అని చెప్పలేని స్థితి కేంద్రానిది.
  • చివరకు ఈ ప్రతిపాదనను అతి కష్టం మీద ఒప్పుకున్నారు.
  • ఈ విధానం వల్ల మనకు లాభం ఏమిటి ? నష్టం ఏమిటి ?
  • ఇది అర్ధం చేసుకోవాలంటే మనము కొన్ని విషయాలు తెలుసు కోవాలి.. 

సాధారణంగా EAPs కింద తీసుకునే రుణం 5 – 7 సంవత్సరాలు తరువాత చెల్లింపులు మొదలవుతాయి.ఆ చెల్లింపుల కాలపరిమితి 10-15 సంవత్సరాలు ఉంటది. ఆ తీసుకునే రుణం ఆ సంవత్సర FRBM (Financial Regulation and Budget Management) పరిమితికి లోబడి ఉంటది; ఇది సాధారణంగా రాష్ట్ర స్థూల ఉత్పత్తిలో 3.5%గా ఉంటది.
చంద్రబాబు గారు జైట్లీ ముందు పెట్టిన ప్రతిపాదనలోకి వస్తే CASPలో 30% అధికంగా నిధులు ఇవ్వడం కుదరదు అన్నారు కాబట్టి ఈ 30% నిధులను కేంద్ర ప్రభుత్వ EAP కింద ఇవ్వమని కోరడం దానికి కేంద్ర ప్రభుత్వం అంగీకరించడం జరిగింది.
ఉదాహరణకి :
మన రాష్ట్రం ప్రతి సంవత్సరం ఒక 10,000 కోట్లు CASP కింద ఖర్చు పెడుతుంది అనుకుందాం. మామూలు గా అయితే ఇందులో 6000కోట్లు(60%) కేంద్రం భరిస్తే – రాష్ట్రం 4000కోట్లు(40%) భరిస్తాయి.
అదే ప్రత్యేక హోదా కలిగిన రాష్ట్రం అయితే కేంద్రం 9000కోట్లు(90%) – రాష్ట్రం 1000కోట్లు (10%)భరిస్తాయి. 
మనకు ప్రత్యేకహోదా లేకపోవడం వల్ల మనం ప్రతి సంవత్సరం నష్టపోతున్నది 3000 కోట్లు .
చంద్రబాబు – జైట్లీ ఫార్ములా ప్రకారం మనం CASPలో నష్టపోతున్న మొత్తాన్ని (3000 కోట్లు)ని కేంద్రం EAP రూపంలో ఋణం తీసుకున్నట్లుగా చూపి, ఆ రుణాన్ని కేంద్రమే తీసుకొని ఆంధ్రప్రదేశ్ కి తిరిగి చెల్లిస్తుంది. అంటే EAPల ద్వారా మనం 3000కోట్లు లబ్ది పొందుతున్నాము అదే సమయంలో CASP ద్వార మనము 4000కోట్లు కట్టాలి..
డబ్బు పరంగా చూస్తే లెక్క సరిపోయింది, కాబట్టి మనకు వాస్తవంగా పడుతున్న భారం 1000 కోట్లే .అంటే ప్రత్యేక హోదా కలిగిన రాష్ట్రంకి ఎంత భారంపడుతుందో మనకు అంతే పడుతుంది. ప్రత్యేక హోదా  రాష్ట్రాలకు వచ్చే బెనిఫిట్ ని ఈ విధంగా మనకు దక్కుతుంది.
ఇంకో విషయం మనం గమనించాల్సింది ఏమిటి అంటే EAP కింద 3000కోట్లు కేంద్రము తీసేసుకోవడం వల్ల మన FRBM   మీద భారం అ మేరకు తగ్గుతుంది. అంటే FRBM లిమిట్ దాటకుండా మనము ఇంకో 3000కోట్ల ప్రతి సంవత్సరం పొందవచ్చు.
ఈ విధానం వల్ల ఆంధ్రప్రదేశ్ కు రానున్న 5 ఏళ్ల లో 22,500 కోట్ల నిధులు అందుబాటులో ఉండటమే కాక ఇంకో 22,500 కోట్లు స్వల్పకాలం (5-7సంవత్సరాల్లో ) లభ్యం అవుతాయి. ఈ మొత్తం కలిపి సుమారుగా 45,000కోట్లు. ఇదేమి చిన్న మొత్తం కాదు.
అంటే ప్రతి సంవత్సరం 3000-5000కోట్లు  మేర  EAPలను చేపట్టి అమలు చేయాలి, దీనికి సంస్థాగత సామర్ధ్యాన్ని పెంచుకోవలసి ఉంటుంది. ఇప్పటి వరకు 2014 లో మనం కేవలం 600 కోట్లు 2015 లో 900 కోట్లు EAPల ద్వార  ఖర్చు పెట్టాము. మరి ఇంత పెద్ద మొత్తాలు ఖర్చు చేయాలి అంటే మనం ఎంత పకడ్బందీగా నడవాలి. అది చంద్రబాబు లాంటి సమర్ధవంతమైన నేత వల్లే సాధ్యం. ఇప్పటికే మన రాష్ట్రం 42,000కోట్ల EAPల కోసం DPRలు సిద్దం చేసింది.

కాబట్టి ఇప్పుడు చెప్పండి ప్రత్యేక హోదా వల్ల మనకు వచ్చే ప్రయోజనాన్ని చంద్రబాబు నాయుడు సాదించారా లేదా?
ప్రత్యేక హోదా అనే పదం లేదు కాని దాని వల్లవచ్చే బెనిఫిట్స్ అన్ని వచ్చాయా  లేదా?

“క్రిందా మీద పడి హోదాతో వచ్చేవన్నీ చంద్రబాబు సాధించారు”

మరి పన్ను రాయతీ మినహాయింపుల పరిస్థితి ఏమిటి?

ముందే చెప్పినట్టు ప్రత్యేకహోదాకి పన్ను రాయతీలకు సంబంధం లేదు. అందరి అనుకుంటున్నది ఏమంటే పన్ను రాయితీ కూడా ప్రత్యేక హోదాలో భాగమే అని కాని అది నిజం కాదు

పన్ను రాయితీ వేరు…  ప్రత్యేక హోదా వేరు…
ప్రత్యేక హోదాలో పన్ను రాయితీ లేదు

2002లో మొదలయిన పన్ను రాయితీలు చాలా మటుకు 2014లో తీసేసారు మిగత రెండు రాష్ట్రాలకి 2017 నుంచి తీసేస్తున్నారు.

“GST వస్తున్ననేపధ్యంలో ఇక దేశం మొత్తం మీద ఎక్కడ పన్ను రాయితీలు ఉండవు”

విభజన చట్టంలో భాగంగా సెక్షన్.94 క్రింద ఆర్ధిక ప్రోత్సాహకాలు (Fiscal Incentives) అమలులో భాగంగా 15% అదనపు తరుగుదల భత్యం (Additional Depreciation) మరియు 15% మూలధనం(Capital Investment) పెట్టుబడి అలవెన్సు క్రింద ఇస్తున్నారు.

తరుగుదల(Additional Depreciation) అంటే సాధారణంగా అయితే వస్తువు తరుగుదల 30% ఉంటే ఆంధ్రప్రదేశ్ లో 45%గా ఉంటుంది.

మూలధనం(Capital Investment) అంటే ఎవరైనా 100కోట్ల పెట్టుబడితో పరిశ్రమ స్థాపించితే, స్థూల లాభం నుండి 15కోట్లు పన్ను లెక్కింపు నుండి తీసివేయవొచ్చు. ఇది 3-5 శాతం లాభాలను పెంచుతుంది.

మన దగ్గర వ్యాపారాలకు అనువైన విధంగా ఉంటె అందరూ వచ్చి పెట్టుబడులు పెడతారు. కాని మన ప్రతిపక్ష నాయకుడు ఈ వాతావరణాన్ని ఎంత వరకు కలుషితం చేయాలో అంతవరకు చేయటానికి శతవిధాల ప్రయత్నం చేయడం మన ఏనాడో చేసుకున్న ఖర్మ.

ఇదండి ప్రత్యేక హోదా కధా కమామిషు…

ఇప్పుడు చెప్పండి ప్రత్యేక హోదానే కావాలి అని పట్టుకు కూర్చుంటే వారు ఇవ్వకపోతే నష్టపోయేది ఎవరు?
మనం కాదా? మన భావి తరాలు కాదా? మన పిల్లల భవిష్యత్తుని ప్రతిపక్షాలు పణంగా పెట్టి రాజకీయాల కోసం మాట్లాడటం హేయం కాదా? హోదా అని పేరు లేకుండా అన్నీ సాధించుకున్నాము. మీరూ చదివారు కదా, మీరు చెప్పండి తేడా ఏమిటో?

ఇస్తాం అన్న కాంగ్రెస్ ఇప్పుడు లేదు, ఇప్పుడున్న వారు సమానమైన ప్యాకేజి ఇస్తామంటున్నారు మరి. మనం ఏమి చేద్దాం?
రెండిటిని బేరీజు వేసుకొని చూసుకోకుండా మొండిగా వెళ్తే ఎవరికీ నష్టం, మనకే కదా.

పోనీ మాకు ప్రత్యేక హోదానే కావాలి అంటాము బి.జే.పి ప్రభుత్వం ఇవ్వదు, మరి అపుడు బి.జే.పి ని భూస్థాపితం చేస్తాము అంటాము. అలానే చేస్తాము దాని వల్ల బి.జే.పి కి ఎమన్నా పోయేది ఉందా? అసలు ఆంధ్రలో బి.జే.పి ఉనికి ఎంత?
దాని సత్తా ఎంతా?అధికారంలోకి వచ్చే ప్రశ్నే లేదు? ఆ పార్టీకి ఊడేది ఏమి లేదు.

కాని ఖచితంగా నష్టపోయేది మనం, మన రాష్ట్రమే. మన పిల్లల భవిష్యత్తు మనమే నాశనం చేసుకుందామా? చంద్రబాబు లాంటి నాయకుడు కరెక్ట్ అని ఎన్నుకున్నాం కాబట్టి ఆయన అహర్నిశలు మనకోసం విశ్రమించకుండా కష్టపడుతున్నాడు.ఇవన్నీ వస్తున్నాయి.

అందరికీ కావాల్సింది ప్రత్యేక హోదా వల్ల ఒనగూరే ప్రయోజనాలు కాదు,                                                                     అందరికీ చంద్రబాబు హోదా (ముఖ్యమంత్రి హోదా) అంటేనే ఇష్టం.

మనం ఇక్కడ రాజకీయంగా మాట్లడటం కంటే… విజ్ఞతతో ప్రవర్తించాల్సిన సమయం ఇది.

మీరే ఆలోచించండి…

2016 సర్వే ఫలితాలు ఎలా తీసుకోవాలి…

తెలుగుదేశం ప్రభుత్వం చంద్రబాబుగారి నాయకత్వంలో బాగా పనిచేస్తుంది. విభజన అనతరం ఉన్నకొద్దిపాటి నిధులతో చంద్రబాబు గారు బండి ఎలాగోలా నెట్టుకొస్తున్నారు అని ప్రజల అభిప్రాయపడటం సంతోషం. అందుకే ఈ దారుణ విభజనకి కారణం అయిన కొంగ్రేస్స్ ను ప్రజలు పరిగణంలోకి కూడా తీసుకోలేదు. ప్రజలు పాజిటివ్ గా చెప్పిన విషయాలు అన్నీ దాదాపు 60 శాతం(మూడిట రెండొంతులు) ఉండటం మంచి పరిణామమే…

  • చంద్రబాబు పైన నమ్మకం.. 53%
  • చంద్రబాబు ప్రభుత్వం రాష్ట్రము కోసం పడే కష్టం, పనితీరు. 51%
  • మత సామరస్యం (లా అండ్ ఆర్డర్ పనితీరు) 61%
  • అన్నీ జిల్లాలు సమంగా అభివృద్ధి…54%
  • ఇచ్చిన హామీలు నేరవేర్చటంలో… 59%
  • నిరంతర విద్యుత్ …

వచ్చే మూడేళ్ళు దీనిని 75% శాతానికి టార్గెట్ పెట్టుకొని పని చేస్తే మంచి ఫలితాలు చూడొచ్చు.

.

మరి ప్రతికూలంశాలు మాటేమిటి…నిస్వార్ధంగా పనిచేస్తూ కూడా మాటలు ఎందుకు పడుతున్నాము. ఒక్కశాతం వ్యతిరేకత ఉన్నా అది మన చేతకానితనమే.

  1. దేశం గర్వించ దగ్గ ప్రభుత్వ పధకాలు ప్రవేశపెట్టినా ప్రజలకు చెరక పోవటం అంటే, అది పార్టీ కార్యవర్గం నిర్జీవంగా తయారు అవ్వటం. అది ఎలాగంటే…

> రైతు రుణమాఫీ

>>రాష్ట్రప్రభుత్వం స్థాయికి మించి ఇచ్చిన రైతు రుణమాఫీ పైన ఎంతమంది అధికారులు, MLAలు, మండలస్థాయి, గ్రామాస్థాయి నాయకులు ప్రజలకు కలిగే ఇబ్బందులను సరిచేస్తున్నారు, వివరించి చెప్తున్నారా? లేదే..ఎందుకని? దీని గురించి MLAకే తెలియదు, తెలిసినా క్రిందివారికి చెప్పాలని పట్టదు, ఇంకేమి పని చేస్తారు..

>నీరు-చెట్టు

>> విచిత్రం ఏమిటి అంటే ఈ పధకం గురించి చాలా మంది కార్యకర్తలకు కూడా అసలు తెలియదు, చెప్పేపని కూడా పార్టీ కార్యవర్గం తీసుకోలేదు. ఈ పధకం కింద చెరువులను తవ్వటం, ఆ మట్టిని కూడా అమ్ముకోటానికి MLAల స్థాయి దిగజారటం (ట్రక్కు మట్టిపై 100 రూపాయలు కమీషన్, దీనికి ప్రోక్లేన్లు సొంత ఖర్చులతో పంపిస్తారు) ఈ పధకం పైన నీలినీడలు కమ్ముకున్నాయి. ఆ నియోజకవర్గంలో మట్టి లేకపోతే ఇసక అమ్ముకోవటం. పక్క రాష్ట్రంలో (క)మీషన్ కాకతీయను కూడా నమ్మిన ప్రజలు ఈ పధకం గురించి తెలియని వైనాన్ని ఎలా జీర్ణించుకోవాలి.

>పించను

>> ఒకటికాదు, రెండుకాదు ఐదు రెట్లు పెంచినా ఏందుకు కొంతమందిలోఇంకా అసంతృప్తి, దీనికి పూర్తిగా గ్రామస్థాయి, వార్డు స్థాయి నాయకులు అలసత్వమే కారణం. వీరితో పనిచేయించుకోవాలని MLAలకి ఉండదు. దీనికి సవాలక్ష కారణాలు. అందులో ముఖ్యమైనది ఒకటి- MROనో, VROనో బదిలీ చేసి పార్టీకి పనిచేసే వారిని నీయమించండి అని MLAలకి అర్జీ పెట్టుకుంటే, ఆ MRO, VROల దగ్గర స్థాయి తగ్గట్టు లంచాలు తీసుకొని వారిని అక్కడే కూర్చోబెట్టిన మహానుభావ MLAలు ఉన్నారు. ఇంకేం పని చెప్పి చేయిస్తారు. గ్రామ, మండల స్థాయి నాయకులకు MROలు, VROలు మాట వినటం మానేశారు. అందుకే రెవిన్యూ శాఖలో అవినీతి మీద పుంఖాలు పుంఖాలు రాసినా ఎవరూ ఏమి చేయలేక పోవటం.

>ఉపాధి హామీ

>> రైతులకు ఉపయోగ పడేలా మార్చినా ఉపయోగం లేకుండా చేస్తున్న వైనం, అధికారులలో పాత వాసనలు పోవు, భయం అంతకన్నా లేదు, MLAల మాట వినాల్సిన పని లేదు అమాత్యులకు తూతూ మంత్రంగా లెక్కలు చెప్పడం చేతులు దులుపు కోవటం, నోక్కేసేది నోక్కేయటం. అంతకు మించి కేంద్ర ప్రభుత్వం కూడా నిధులు తొక్కి పట్టి ఆపటం.

  1. అవినీతి తగ్గకపోవటం పైన ప్రజల అసంతృప్తి…60%

>> విడవమంటే పాముకు కోపం, కరవమంటే కప్పకు కోపం. ప్రభుత్వ అధికారులతో ముఖ్యమంత్రి వర్యులకు వచ్చిన చిక్కు.  అందుకే మొన్న MLAలతో మీటింగ్ పెట్టి మరీ మీరు తినటం అప్పండి, ఎలాగోలా ఎన్నికలు ఖర్చు పార్టీ బరిస్తుంది అని నెత్తి నోరు బాదుకున్నాడు ఈ పిచ్చోడు (చంద్రబాబు గారు). ఇక్కడ కొస మెరుపు ఏమిటి అంటే ఆ కర్చు కూడా కార్యకర్తలు ఇచ్చే విరాళాల రూపంలో తీసుకుందామని, మేము ఇవ్వటానికి రెడీ నే కాని కొంతమంది లత్తుకోరు MLA దాహార్తి వలన ఇవ్వాలంటే ఒకటికి రెండుసార్లు ఆలోచించాల్సి వస్తంది అమాత్యా…

౩. దుబారా ఖర్చు…56%

>> అసలు డబ్బులు లేక ఏడుస్తుంటే దుబార ఖర్చా..? ఏందులో దుబారా ఖర్చు పెడుతుందో సంబంధిత మంత్రులు వివరణ ఇవ్వలేని స్థితి. పక్క దేశం వెళ్ళకుండా పెట్టుబడులు వస్తాయా? ఆకలితో ఉన్న పేదవాడు పండగ పూటైనా కడుపునిండా తింటాడు అని పండగ కానుకలు ఇవ్వటం తప్పా? దీనిని తిప్పికోట్టలేని మంత్రులు ఉంటే ఎంత ఊడితే ఎంత. MLA, MLC ల జీతలపైన ప్రజలలో అసంతృప్తి ఉంది, కాని వీరి దాహం తీర్చటానికి ఇది ఉపయోగ పడితే…పాలన అన్నా గాడిన పడుతుందేమో వేచి చూడాలి.

.

.

మీడియా అంతా హైదరబాదులో ఉండి, ఆ రాష్ట్ర ముఖ్యమంత్రికి గులాంగిరి చేసే పనిలో మనకు వ్యతిరేకంగా మారటం ఒక పక్కైతే, ఆదుకుంటామని మాటిచ్చి నట్టేట ముంచుతున్న కేంద్రం ప్రభుత్వం ఓక పక్కన నలుగుతూ ఈ రాష్ట్రం, రాష్ట్ర ప్రభుత్వం ఈ మాత్రం నిలదొక్కుకుంటుంది అంటే అది ఆ 64 ఏళ్ళ నిరంతర శ్రామికుడు, సరిసాటిలేని నాయకుడు ఆయన చంద్రబాబు గారి నాయకత్వ పటిమ వల్లనే..

చెప్పేది ఒక్కటే, పార్టీ ప్రజలతో ఉండటం లేదని తేటతెల్లమైంది. కారణం అన్వేషించాల్సిన తరుణం ఆసన్నమైనది. అత్యంత బలమైన క్యాడర్ ఉన్న తెలుగుదేశం పార్టీ సొంత ప్రభుత్వ పధకాలు ప్రజల్లోకి తీసుకు వెళ్ళలేక పోవటం అంటే ఆంధ్రప్రదేశ్ పార్టీ అధ్యక్షులు కళా వెంకట్రావుగారు (ఎవరి చేతుల్లో ఆ అధికారం ఉంటే వారు) ఆలోచించాలి, భాద్యత తీసుకొని మార్పునకు శ్రీకారం చుడతారని ఆశిస్తూ..

cbn cbn1

దేశభక్తులు ఎవరు…?

విశ్వవిధ్యాలయాలు, ఇక్కడనుండి ఎంతో మంది మేధావులు సమాజం లోకి వస్తుంటారు. అందుకే అక్కడ చదువుకునే విద్యార్ధులకు సమాజంలో ఎంతో గౌరవం ఇస్తుంటారు, వారిలో కొందరు నిస్వార్ధ రాజకీయ నాయకులుగా ఎదిగి దేశానికి సేవ చేసినవారూ ఉన్నారు. గౌరవప్రదమైన భాధ్యతాయుతమైన స్థానాల్లో దేశ సేవ చేసినవారు ఎందరో, వారందరికీ నా పాదాభివందనాలు.

అలంటి ఉన్నతమైన వేదిక అయిన విశ్వవిధ్యాలయాలలో ఇప్పుడు జరుగుతున్నది ఏమిటి?

విశ్వవిధ్యాలయాలల్లో విద్యార్ధి సంఘాలు ఉంటాయి, వాటి సిద్ధాంతాలు నచ్చిన విధ్యార్ధులు అందరూ కలిసి వారికి కావాల్సిన సౌకర్యాలపై, సమాజంలో జరుగుతున్న అసమానతలు పై వారి గళం విప్పటం సహజం. రాజకీయ నిరుద్యోగులు, అధికార పార్టీ నాయక గణం వీరిరువురు విశ్వవిధ్యాలయాల విద్యార్ధి సంఘాలలో వేలు పెట్టి వారిని రచ్చకీడ్చి దేశ ద్రోహులుగా చిత్రీకరించటం జరుగుతుంది, సమాజానికి ఇది శ్రేయస్కరం కాదు.

మనకి అధికార పార్టీ నాయక గణం అంటే తెలుసు అసలు రాజకీయ నిరుద్యోగులు అంటే ఎవరు? ప్రజల మద్దత్తు ద్వార గెలవని వారు, గెలవలేని వారు, అధికార పార్టీని రాజకీయంగా ఎదుర్కోనలేని వారు, సమాజాన్ని మొత్తంగా చూడలేక ఒక చిన్న సమూహానికి మాత్రమే వకాల్తా పుచ్చుకునే వారు, వీరందరికీ సహన భావ శీలత్వం బాగా తక్కువ.

సహజంగా అధికార పార్టీ అనుబంధంగా పని చేసే విద్యార్ధి సంఘం కార్యకలాపాలు క్కువగా చేస్తుంటారు, అది మిగతా సంఘాల వారికి కొంచం ఇబ్బందిగా ఉంటుంది, అందునా హిందుత్వ ఏజండాతో పని చేసే భాజాపా అధికారంలో ఉన్నప్పుడు వారి అనుబంధ విద్యార్ధి సంఘం ABVP కార్యకలాపాలు మిగిలినవారికి సహజంగానే కొంచం ఎక్కువ కంటగిoపుగా ఉంటాయి. ఇప్పడు ABVP ఒకవైపు మిగిలిన సంఘాలు SFI, AISF, ASA ఇలాంటి ఒక వైపుగా చలామణి అవుతున్నాయి. వీరికి దళిత ముసుగు వేసి రాజకీయ నిరుద్యోగులు ప్రత్యక్షంగా అధికార పార్టీని ఎదుర్కొనలేక వీరిని ఉసిగోల్పుతుంటారు. విశ్వవిధ్యాలయాలలోని విద్యార్ధి సంఘాల వారి పనిని వారు  చేసుకోనీయకుండా వారి పనిలో ఎప్పుడైతే ఈ రాజకీయ నిరుద్యోగులు, అధికార పార్టీ వారు తమ పెత్తనం చేయలనుకుంటారో అప్పుడు ఇలాంటి పరిణామాలు చూడవలసి ఉంటుంది.

నిన్న HCU దగ్గర నుండి నేటి JNU దాక జరుగుతున్న పరిణామాలు అక్షేపనీయం, వింత ఏమిటి అంటే ఇరు వైపులా పరిపక్వత లేని జ్ఞానంతో రచ్చ కెక్కి విశ్వవిధ్యాలయాల పరువు, దేశ పరువు మంట గలుపుతున్నారు. ABVP ఒక వైపు, మిగిలిన వైరి వర్గం ఒక వైపు మొహరించి దీనికి ఎప్పుడో కాలం చెల్లిన బ్రాహ్మణ – దళిత అసమానతలు ప్రస్తావిస్తూ ఒకరిని ఒకరు రెచ్చగోట్టుకుంటూ ఉంటారు, ఈ అగ్నికి వాయువు తోడన్నట్టుగా అధికార, రాజకీయ నిరుద్యోగులు మరో వైపు.

వీరి రచ్చ భారతదేశపు అత్యధికులు పూజించబడే ఆవుని వదించటం, ఆవు మాంసం తినటం నిషేధంతో మొదలైంది. బాహాటంగా దానిని వ్యతిరేకించటం చేతకాని రాజకీయ పార్టీలు అపర మేదో సంపత్తి గలిగిన మేధావులను, విద్యార్ధులను, వారి సంఘాలను  ఉసిగొల్పి రచ్చ మొదలు పెట్టాయి. ఇలా చేస్తుంటే అధికార పార్టీ ఊరకనే ఉంటుందా వారు వారి సంకుచిత స్వభావాలు వారి అనుబంధ సంఘాలపై రుద్దారు. స్వతహాగా ప్రతి విషయాన్ని త్వరగా స్పందించే విద్యార్ధి సంఘాలు అలానే కొంచం కూడా ఆలోచించకుండా కదన రంగంలోకి దూకి నేడు అభాసు పాలయ్యారు, పాలవుతున్నారు. మాకు మా అంబేద్కర్ రచించిన రాజ్యాంగలో స్వేచ ఇచ్చారు కాబట్టి మీరు చెప్పినట్టు మేము వినేది ఏంది అని ఓక వర్గం, ఆ అంబేద్కర్ రచించిన రాజ్యాంగం తోటి అధికారంలోకి వచ్చినదే ఈ ప్రభుత్వం అనే ఇంగితం మరిచిపోయారు ఓక వర్గం. ఈ దేశ ప్రజల మనోభావాలను కించ పరుస్తారా అంటూ వారిని దేశద్రోహులుగా చిత్రీకరించటం, అదే దేశ ప్రజల్లో వీరు కూడా ఒకళ్ళు అనే ఇంగితం వీరు మరిచిపోయారు.

ఇంట్లో అమ్మ చీర కషాయం రంగులో కనపడినా కాల్చి పారేస్తాను అనే ఒక సంకుచిత స్వభావంగల ఓ పిరికివాడు ఆత్మహత్య చేసుకొని తన వర్గానికి పిరికితనం ఆపాదించి తప్పు చేస్తే అసలు జరిగిన విషయం పక్కన పెట్టి రాజకీయ స్వలాభాల కోసం పాకులాడే రాహుల్ గాంధి, కేజ్రివాల్, కమ్యునిష్ట్ నాయకులూ, కొందరు రాజకీయ నిరుద్యోగులు చేసింది ఎంత తప్పో. అసలు తోటి విద్యార్ధి ఆత్మహత్య చేసుకుంటే అతడి కుల దృవీకరణ పత్రం అవినీతి మీద ప్రచారం చేయటం తప్పించి అందుకు గల కారణాలు విశ్లేషించుకొనే తత్వం అలవర్చుకొని అధికార సంఘానిదీ అంతే తప్పు. తెగబలిసి ఒకరు ఉగ్రవాది యాకోబ్ మీనన్ ఉరి వొద్దని, ఒక యాకూబ్  మీనన్ పోతే ప్రతి ఇంట్లో ఒక యకోబ్ మీనన్ పుడతాడు అంటారు, ఇదే అదును అని అలా మాట్లాడిన వారిని దేశ ద్రోహులుగా చిత్రీకరించి రాజకీయం తెరలేపే వారు ఇంకొకరు. దీనికి దళిత కార్డు తగిలించి రాజకీయంగా చలి కాచుకునే హేయమైన చర్య తప్పించి, వీరిరువురు చేస్తున్నది ఏమిటి?

ఈ దేశంలో పుట్టిన ప్రతి వ్యక్తి దేశభక్తిని ఎవరూ తప్పుబట్టలేరు, కాని ఒకడు JNUలో భారత దేశాన్ని విచ్చిన్నం చేస్తాం అని నినదిస్తుంటే పక్కనే నుంచొని దానిని ఖండించకుండా ఆజ్యం పోసిన కన్నయ్యది ఎంత తప్పో, అన్న వాడిని మక్కెలిరగ తీయకుండా పక్కోడి మీద కేసు పెట్టిన అధికార పార్టీది అంతే తప్పు. రాజ్యంగబద్దంగా న్యాయ విచారణ చేసి ఉరి వేసిన ఒక తీవ్రవాదిని కీర్తించే హక్కు ఈ విద్యార్ధులకి ఎవరిచ్చారు? మీ అనుభంద సంస్థల నాయకులని ఇంట్లో కోర్చోబెట్టిన జనం సొమ్ముతో చదువులు వెలగబెట్టే మీరు ఆ జనానికి జవాబుదారిగా ఉండాలి కాని ఈ కాంగ్రెస్స్ రాహుల్ గాంధీకి, కేజ్రివాల్ కి, కుర్తా పైజమా ధరించి అపర మేధావులుగా చలామణి అయ్యే కమ్యునిస్టు నాయకులకి కాదు, వారు ప్రజలకు జవాబు చెప్పలేని స్థితిలో ఉండి, మిమ్మల్నిఉసిగోల్పటం ఎంతవరకు సమంజసమో ఆలోచించండి.

భారతదేశ సార్వభౌమాధికారాన్ని విచ్చిన్నo చేసేలా రాజదాని నది బొడ్డులో నిలబడి నినదిoచితే ప్రభుత్వం చూస్తూ ఊరుకోవాలా? విద్యార్ధులు కదా అని చూస్తూ ఊరుకుంటే రేపు ఇంకో గొట్టంగాడు నది రోడ్డులో భారత దేశ పతక్కన్ని తగుల బెడితే చూస్తూ ఊరుకోని కూర్చోవాల్సిందే గా? కన్నయ్య ను అరెస్ట్ చేసేసరికి అతడు ఒక దళిత విద్యార్ధి అని అందరికీ గుర్తుకు వచ్చిందే, మరి అదే దళిత విద్యార్థి పక్కనే చోద్యం చూస్తూ ఉన్నప్పుడు అతను చేసింది తప్పు అని ఎందుకు అనలేక పోతున్నారు? అయ్యా మేధావులారా, వారిరువురు చేసింది తప్పే కాని మీరు ఒక వైపునే మాట్లాడటం ఆపండి. పక్కనే ఉండి ఖండించాల్సిన కన్నయ్య అలా చేయకుండా ఉండటాన్ని ఖండించరు. ఎమన్నా అంటే అవన్నీ మాకు అవసరం లేదు అని కన్నయ ప్రసంగాన్ని మాత్రం ప్రచారం చేస్తారు. కాశ్మీర్లో తీవ్రవాదులను బలపరిచే వారితో కలిసి అధికారం చేలాయిస్తూ ఇక్కడ మిగతావారిని దేశ ద్రోహులుగా చిత్రీకరించే అధికార పార్టీది అంతే ఘాతుకం. మీరు చేస్తే దేశభక్తి పక్కవాడు చేస్తే దేశ ద్రోహమా? అన్ని రాజకీయ పార్టీలు, రాజకీయ నిరుద్యోగులూ మీ నిస్సిగ్గు జడత్వాన్ని మా పైన రుద్దకండి. మాకు తెలుసు మీ వేషాలు.

అంటే “విశ్వవిద్యాలయాల్లోని విద్యార్ధులకు రాజకీయాలు అనవసరo” అంటే  దానికి నేను వ్యతిరేకం.

దేశ నలుమూలనుండి ఈ విశ్వవిధ్యాలయాల్లో చదువుకోటానికి వచ్చిన ఎంతో మంది మన సమాజం స్థితిగతులను సంపూర్ణంగా అర్ధం చేసుకొని కొందరు ఉన్నత అధికారులుగా, కొందరు నిస్వార్ధ రాజకీయ నాయకులుగా, కొందరు సమాజసేవా తత్పరులుగా, పలు రంగాలలో దేశానికి సేవ చేస్తుంటారు. వీరందరి బయటకు వచ్చిన తరువాత వారి ఎంచుకున్న రంగాలు చేసే పనులు వేరైనా వాటి ఫలితాల్లో మాత్రం సంబందాలు ఉంటాయి. అందుకే వారు అన్నీ నేర్చుకోవాలి, అన్నీ రంగాల్లో ఉండాలని కోరుకుంటాను. వీరి చర్యల వల్ల 80 శాతం పైగా మధ్యే మార్గంగా జీవించే ఈ దేశ ప్రజలు నలిగిపోతున్నారు. వారిలో ఒకడిగా నా మానసిక సంఘర్షణే ఈ వ్యాసం అంతే గాని ఎవరినీ నొప్పించాటానికి కాదని మీ హర్ష.

మన అమరావతి: మన రాజధాని శంకుస్థాపన.

“అమరావతి” ధాన్యకటకంగా, ధరణికోటగా పలు పేర్లతో పిలవబడి ఎంతో ఘన చరిత్ర కలిగిన మన అమరావతి నేడు మళ్ళీ భవిష్యత్తులో చరిత్రని తిరగారేసేందుకు మొదటి అడుగుకు సంసిద్ధమవుతుంది. చరిత్రలో అమరావతి శిధిలావస్థకు చేరిన ప్రతి సారి ఎవరో ఒక రూపంలో మరలా నిలబెట్టి మనకు ఆ ఘన చరిత్రను అందచేసారూ. అలా మనకు 18వ శతాబ్దపు చింతపల్లి సంస్ధానీసులు శ్రీ రాజా వెంకటాద్రి నాయుడు శిధిలావస్థకు చేరిన అమరావతిని పునఃప్రతిష్టించి దీనినే రాజధానిగా మార్చి పాలన సాగించి ఆ ఘనచరిత్రను మనకు అందజేస్తే ఇప్పుడు శ్రీ నారా చంద్రబాబునాయుడి సహకారంతో భావితరాలకు అందించే అవకాశం కలగటం ఎన్నో జన్మల పుణ్యం. ఇంతటి పుణ్యకార్యంతో సగర్వంగా తలెత్తుకొని నిలబడేందుకు సమాయుత్తమవుతున్నవేళ ప్రతి ఆంధ్రుడి గుండె ఉద్విగ్న భరితమవుతున్నది. పడిలేచిన కెరటంలా భవిష్యత్తులో మరలా సువర్ణాక్షరలతో లిఖించబోయే సమయం. వారిని హేళన చేసినా, వారిని కట్టుబట్టలతో నడి రోడ్డు మీదకు లాగినా, వారి ఆత్మగౌరవాన్ని పెట్టుబడిగా పెట్టి పిడికిలి బిగించి నిలబడుతున్న సమయం. ప్రపంచమే తెలుగువారి తెగువకు అబ్బురపడే క్షణాన ఆంధ్రప్రదేశ్ ప్రజలకు శుభాభినందనలు తెలియచేస్తూ… ఒక్క పిలుపుతో వారి ప్రాణ సమానమైన 33వేల ఎకరాలు భూములను ప్రభుత్వానికి అప్పగించిన ఆ ప్రాంతపు రైతులకు వారి కుటుంబ సభ్యులకు పాదాభివందనాలు చేస్తున్నాను. మీ త్యాగం విలువకట్టలేనిది, మరువలేరు ఈ రాష్ట్ర ప్రజలు.

ఇటువంటి సమయాన రాష్ట్రంలో కొన్ని రాజకీయ పార్టీలు తీసుకున్న నిర్ణయాలు ఎంతో బాధని, కోపాన్ని రగుల్చుతున్నాయి. అసలు ఎమాత్రం ఆంధ్రుల మీద గౌరవం చూపకుండా కనీసం వారి గోడు వినకుండా ఇష్టారాజ్యంగా వారి ప్రజా ప్రతినిధులని తలుపులు మూసి, కొట్టి, వేరు చేసి ఈ రాష్ట్రాన్ని ఈ రాష్ట్ర ప్రజల్ని నడి రోడ్డు మీద పడేసిన ఈ కాంగ్రేసు పార్టీ వారు నేడు నిస్సుగ్గుగా మాట్లాడుతున్నారు. అరె ఉరి వేసేముందు కూడా ఓసారి అడుగుతారే అలాంటిది కనీసం ఒక్క మారు ఇలా చేస్తే ఈ రాష్ట్ర ప్రజలు ఏమైపోతారు వారి పిల్లల భవిష్యత్తు ఏమైపోతుంది అనే సోయ లేకుండా మీ కడుపు మంటను చల్లార్చుకున్నారే. ఇంత చేసి, నిర్లజ్జగా మరలా మాటలా? ఇప్పుడు ఎంతో గౌరవంతో పండుగులా ఆంధ్రప్రదేశ్ ప్రజలు అమరావతి శంకుస్థాపన చేసుకుంటుంటే వచ్చి చెంపలేసుకొని క్షమాపణ చెప్పుకోవాల్సింది పోయి భాహిష్కరిస్తారా? మీకు అసలు సిగ్గు-లజ్జా లాంటివి ఎమన్నా ఉన్నాయా? ఛీ..ఎంత దౌర్భాగ్యం…

రాష్ట్రానికి ఎంతో అవసరమైన రాజధాని శంకుస్థాపన జరిగే సమయంలో సర్కారు ఎక్కడా తప్పు చేయకుండా కాపలా కుక్కలా ఉండాల్సిన ప్రతిపక్ష పార్టీ నాయకుడు అసలు పండుగలో భాగం పంచుకోను అనటం అతని కడుపు మంటకు నిదర్సనం. ఎవరి మీద నీ కడుపు మంట? ఈ రాష్ట్ర ప్రజల మీదనా? నీకు రాజధాని విషయంలో ఎమన్నా అభ్యంతరాలు ఉంటే ప్రభుత్వాన్ని నిలదీసి అడిగే సందర్భాలు, వేదికలు చాలా ఉన్నాయి. అక్కడ ప్రభుత్వాన్ని నిలబెట్టి కడిగే హక్కు నీకే ఉంది, అలా చేయకుండా భాహిష్కరించటం ఏంటి? ప్రజల పండుగను కాదనటానికి నీకేమి హక్కు ఉంది? రాజధానికి వ్యతిరేకం కాదు అంటావు మరలా విషం కక్కుతావు. ఈ పనికి నువ్వు, నీ పార్టీ పనికిరారనే కదా మిమ్మల్ని అక్కడ కూర్చోబెట్టింది. ప్రజా తీర్పుని గౌరవించరు, ప్రజల అవసరాల్ని పట్టించుకోరు, ప్రజా అభిమతంతో మీకు పని లేదు, మీ ఒంటెద్దు పోకడలు మీవి, మీ రంది మీది. ఎందుకు రావటంలేదో అంటూ విషయం లేని ఓ పనికిమాలిన లేఖ, దానిలో రాసిని ఒక్కటన్నా సహేతుకమైన ప్రశ్న ఉందా? మీ నికృష్ట జీవిత చరిత్ర ని ఒకసారి తిరగేస్తే నువ్వు అడిగిన ప్రశ్నలకు నీకే సమాధానం దొరుకుతుంది. కనీసం ప్రతిపక్ష హోదాకి కూడా వీడు పనికి రాడు అని ప్రజలకు తెలియచేయటానికి కాకపోతే ఏందీ ఈ పనికిమాలిన పనులు.

ఆంధ్రప్రదేశ్ ప్రజలు ప్రేమను, మనసులు గెలుచుకోవాలంటే పాతాళానికి తొక్కబడిన వారి భవిష్యత్తును, జీవితాలని గాడిలో పెట్టేవారికి చేదోడుగా ఉంటూ మీ రాజకీయ అవసారాలు చూసుకోవాలి తప్పించి ఇలా ప్రజల ఆశల మీద మీ కడుపు మంటను రుద్దితే మిమ్మల్ని అధఃపాతాళానికి ప్రజలు తొక్కేస్తారు. ప్రజలను గొర్రెల్లాగా చూడటం మానేసి మనుషుల్లాగా చూసి గౌరవించడం నేర్చుకుంటే మంచిది ఈ రెండు పార్టీలు. ఈ విషయంతో తల్లి-పిల్ల కాంగ్రేసులు ఒకటే అని మరోసారి నిరూపితం అయ్యాయి. ఆ విషయం ప్రజలకు కూడా అర్ధం అయింది. అది చేతల్లోకి తెచ్చుకునేదాక లాగొద్దు అనేది నా మనవి.

మరోసారి ఆంధ్రప్రదేశ్ ప్రజలకు… మన అమరావతి శంకుస్థాపన సందర్భంగా శుభాకాంక్షలు తెలియచేస్తూ… మీ శ్రీ హర్ష

హీరోలు – అభిమానులు

లనచిత్ర రంగం, ఒక రంగుల లోకం. సుప్రసిద్ధ నటులను మనకు పరిచయం చేసిన ఒక రంగం. ఈ రంగం ఇప్పుడు “పరిశ్రమ” గా మారి చలనచిత్ర పరిశ్రమగా రూపాంతరం చెందింది. ఈ పరిశ్రమ బయటనుండి ఒక అధ్యితీమైన సువర్ణ సుందర స్వప్న లోకం, కాని మనకు తెలియని ఎన్నో ఆకలి దప్పుల కష్టాలు, కర్కోటక శ్రమ దోపిడి, నిస్సుగ్గు స్వార్ద అవకాశవాదం, మనుషులను మనుషులు గా గుర్తించని ఒక విచిత్ర లోకం. లక్షణ, అవలక్షన గుణాల సామూహిక సమ్మోహన ప్రపంచం.

“మానవ సంభందాలు అన్నీ ఆర్దిక సంభందాలే” అని కార్ల్ మార్క్స్ అన్నట్టు మన నిజ జీవితంలో ఎలాగైతే ఆప్యాతలు ప్రేమలు తగ్గి వ్యాపారాత్మక విలువలు పెరిగాయో అలాగే ఈ పరిశ్రమలో కూడా అంత కంటే ఎక్కువగానే వ్యాపారంగా మారిపోయింది. తెలుగు సినీ కళామతల్లి అని నిస్వార్ధంగా పిలిచుకునే కొంతం మంది “అభాగ్యులు” తప్పించి మిగిలిన అందరూ వ్యాపారులే. నాకు తెలిసిన అంత వరకు NTR – ANRల నటించిన కాలంతోటే కళని తల్లిగా చూసుకునే రోజులు పోయాయి, ఆ తరువాత వచ్చిన వారందరిలో వ్యాపారాత్మక ధోరణితో వచ్చిన వారే ఎక్కువ. అందుకు ఉదాహరణ పూర్వం నటించడం అనే కళని నాటక రంగం ద్వారా నటీ నటులు ఆ రంగాన్ని పోషించేవారు. కాని ఇప్పుడు  నటీనటులను చలనచిత్ర రంగం పోషించాల్సి వస్తుంది అందుకే కాబోలు ఇది చలచిత్ర పరిశ్రమగా రూపాంతరం చెందింది. పూర్వం నాటకాల ద్వార ప్రజలకు వినోదం పంచేవారు అదే మాధ్యమాన్ని ఉపయోగించి ఎంతో మంది మహానుభావులు ప్రగతిశీల భావాలను ప్రజలకు అతి సులువుగా ఎంతో ప్రభావితంగా విషయాన్నీ అర్ధం అయ్యేలాగా చెప్పి జాగుర పరిచే వారు. ఎప్పుడు అయితే సినిమా రంగం వ్యాపారత్మక ఆలోచనలు పురుడు పోసుకున్నాయో అది పూర్తిగా వినోదం పంచే మాధ్యమంగా తయారైంది. మన తెలుగు చిత్ర సీమలో ఉన్న హీరోలు కావొచ్చు దర్శకులు కావొచ్చు వారి వారసులు ఎవరైనా కాని నిర్మాతనుండి నిర్మొహమాటంగా ముక్కు పిండి వసూలు చేసేవారే గాని ఇబ్బందులు వచ్చినవి సదరు నిర్మాతను లేక డిస్త్రిబ్యుటర్లను ఆదుకున్దామనే ధ్యాసే లేనప్పుడు వీరిని ఎ రకంగా గౌరవంగా చూడగలరు సామాన్యులు. ఆ సామాన్యుల్లో నేను ఒకడిగా ఇది రాస్తున్నాను.

ఒక హీరో తన నటన ద్వారా ఎంతో మంది అభిమానులను సంపాదించుకుంటారు. ఆ అభిమానానికి చాల కొలబద్దలు వాటిల్లో నటన, ఆహార్యం, నిబద్దత, క్రమశిక్షణ, సేవా గుణం లాంటి వాటితో పాటు కులం అనే దౌర్భాగ్యపు కొలబద్ద ఒకటి ఎక్కువగా మన పరిశ్రమలో వుంది. ఈ దౌర్భాగ్యపు (కుల) అభిమానులు వాళ్ళ ఆ హీరోలకు మంచి పేరు కంటే చెడ్డ పేరు వచ్చిన దాకలాలే ఎక్కువ ఎందుకంటే పిచ్చి బ్రమల్లో ఆ హీరోలను విహరిమ్పచేస్తారు. ఈ కుల పిచ్చితో రాజకీయాల్లోకి వచ్చి చావు దెబ్బ తిన్న హీరోలు లేక పోలేదు. ఇలాంటి కుల పిచ్చి అభిమానులు వారి సంఘాల వలన చిత్ర పరిశ్రమలో అందరివాడుగా వున్న హీరోలు రాజకీయరంగంలో కొందరివాడిగా అయిపోయారు. పరిపక్వత లేని కొంతమంది హీరోలు రాజకీయాల్లో వేసే తప్పటడుగులు వలన ప్రజాజీవన ప్రయాణాలను ఒడిదుడుకులు గురయ్యాయి. అలంటి వాటిల్లో ఒకటి మన రాష్ట్రంలో మెగాస్టార్ గా పిలబడే చిరంజీవి అనే నటుడు చేసిన ఒక తప్పటడుగు ఈ రాష్ట్ర ప్రజల జీవితాలనే సమూలంగా మార్చివేసిన ఘటన. పార్టీ పెట్టటం అంటే సినిమా రికార్డులు తిరగ రాయటం లాంటిదే అనే బ్రమతో ప్రజల జీవితాలతో ఆడుకునే అధికారం నిస్సందేహంగా ఈ కుల అభిమానులు కలిగించినదే. నందమూరి తారక రామారావు గారు తెలుగుదేశం పార్టీ ని స్థాపించిన 9నెలలో పార్టీ ని అధికారంలోకి తెచ్చిన ఘనత (సినిమా పరిభాషలో రికార్డు) ని తిరగ రాయాలనే ఉద్దేశం కావొచ్చు, మరేదైనా కావొచ్చు పార్టీ పెట్టిన దగ్గరనుండి అన్నీ అలంటి బ్రమల చుట్టే తిరిగారు, కాస్తో కూస్తో సమాజం పట్ల ఆ సమాజంలో బ్రతికే ప్రజల జీవితాల పట్ల అవగాహన వున్న పవన్ కళ్యాణ్ సహజంగానే అన్నకు మద్దత్తు తెలిపారు. కాని ఎన్నిక ఫలితాలు వచ్చేదాకా అర్ధం కాలేదు మహామేత ఆడిన నాటకంలో పావు అయ్యాడని. అంతటితో ఆ ప్రజాజీవన విధ్వంసం ఆపకుండా పార్టీ పెట్టేటప్పుడు ప్రకటించిన భావాలు, విధి విధానాలు గాలికి వొదిలి, రక్తాన్ని దారపోసి పార్టీని నడిపిన అభిమానులను పట్టించుకోకుండా కాంగ్రెస్ పార్టీలో విలీనం చేసారు. తమ్ముళ్ళు వ్యతిరేకించినా వినలా, నిజమైన అభిమానులు వద్దన్నా వినలా, సామజిక సలహాదారులు చెప్పింది చెవికి ఎక్కిన్చుకోకుండా తెలుగు ప్రజల జీవితాల్ని ఢిల్లీ సోనియా కాళ్ళ దగ్గర పడేసాడు. ఆ బలంతో మదమెక్కి ఇష్టానుసారంగా దారి తెన్నూ లేకుండా తెలుగు రాష్ట్రాన్ని విభజన చేసింది. విభజన తప్పు కాదు అది చేసిన విధానమే అత్యంత దారుణం అని ప్రజలు నెత్తినోరు బాదుకున్నా ఈయనగారికి వినపడలా. ఈ దౌర్భాగ్యపు ఘటనలో కూడా ఈయనగారు ఢిల్లీ మేడం రాసిన ఉత్తరాన్నే సభలో చదివి డం డం లాడించారు. అసలు వీరికంటూ ఒక ఆలోచన లేదా, వీరి అపరిపక్వ నిర్ణయాల ద్వారా ప్రజల జీవితాలతో ఆడుకునే హక్కు ఎవరిచ్చారు. అందుకే కాబోలు ప్రజలు ఆ పార్టీకి ఆంద్ర రాష్ట్ర చట్ట సభల్లో అసలు ప్రాధాన్యతే లేకుండా చేసారు. ఎన్నిలప్పుడు పురుడు పోసుకున్న ఒక తోక పార్టీ చీరాల ప్రజా సమితి కి అన్నా ఒక సీటు వచ్చింది కాని 125 చరిత్ర కలిగిన కాంగ్రెస్ పార్టీ అని గర్వంగా చెప్పుకునే చిరంజీవి గారికి ఒక్క సీటు కూడా లేకుండా చేసారు ప్రజలు. ఈ అతి పెద్ద ప్రజాస్వామ్య దేశం వీరికి ఎలాగైతే ప్రజల జీవితాలతో ఆడుకునే హక్కును బలవంతంగా అయినా  లాగేసుకునే హక్కు కలిగించిందో అలాగే ప్రజలుకు కూడా వీరు చేసే పనికి మాలిన పనులను, పనికి మాలిన చేష్టలను, పనికి మాలిన మాటలను ఎండగట్టే హక్కు కల్పించింది. కాబట్టి ఇలాంటి హీరోలను కులం నేపధ్యంలో నెత్తిన ఎక్కించుకునే అభిమానులకు ఒక విజ్ఞప్తి ప్రజలు అడిగే ప్రశ్నలకు దమ్ముంటే వివరించాలి గాని గుడ్డిగా వ్యతిరేకించడం అవివేకం అవుతుంది. ఇకనైనా ఈ నాయకులూ ప్రజలకనుకూలంగా నడిచి వివేకం ప్రదర్శిస్తారనుకున్దాం, ఇది సదరు రాజకీయ నాయకుడుగా ఎదిగిన ఏ హీరోకైనా వర్తిస్తుంది చిరంజీవి కావొచ్చు, బాలకృష్ణ కావొచ్చు, పవన్ కళ్యాణ్ కావొచ్చు ఎవరైనా ఓళ్ళు దగ్గర పెట్టుకొని ప్రజల మనోభావాలు గురుతెరిగి ప్రవర్తించాల్సిందే.

మేము వీరి సినిమాలను వ్యతిరేకించడం లేదు; ప్రజల ఆర్ధిక, సామజిక హక్కులకు సంబంధించిన విషయాల్లో వీరి నిర్ణయాలను తప్పు బడతున్నాము. అది ప్రజాస్వామ్యం మాకు కల్పించిన హక్కు. చిరంజీవి రేపు కాళీగా వుండి 150వ సినిమా చేస్తే నేను కూడా చూస్తాను అది వేరే విషయం ఎందుకంటే అది “సినిమా” ఇది “రాజకీయం”. రెండూ వేరు.

ఒక సామాన్యుడి ప్రశ్న…

“ఆంధ్రప్రదేశ్” ఎందరో త్యాగధనుల త్యాగ ఫలంతో తెలుగువారికోసం ఏర్పడిన తెలుగు రాష్ట్రం. తెలుగు వారు అంటే గొప్ప చరిత్ర కలిగినవారుగా, తెలివైన వారిగా అంతకన్నా గొప్ప ఆత్మాభిమానం కలిగిన వారుగా ప్రపంచ పటంలోనే ఒక అనిర్వచనీయమైన గుర్తింపు. కాని ఇప్పుడు అది గతం…. అని తలచుకుంటేనే కకావికలమైన మనసులో ఏదో తెలియని అలజడి ఎగదన్ని… అది కళ్ళల్లోనుంచి సుడులు తిరుగుతూ బయటకు వచ్చే కన్నీటి వలన అస్పష్టంగా కనిపించే తెలుగు వారి భవిష్యత్తు గురించి నా మస్థిష్కంలో ఉదయించిన కొన్ని ప్రశ్నలకు రాజనీతుజ్ఞులు గాని , స్వయం ప్రేరేపిత ఉద్యమ కారులుగా చెప్పుకుంటున్న రాష్ట్ర ప్రభుత్వ ఉద్యోగులు గాని, తెలుగువారంటే ఒక్క సీమంధ్ర ప్రాంతం వారే అని గిరి గీసే రాజకీయ పార్టీలు గాని, వాటి అధ్యక్షులు గాని, ఆ పార్టీ నాయకులు గాని, ఎటువంటి పార్టీతో సంబంధం లేదని చీకటి పడగానే పార్టీ పక్కల్లో దూరే మేధావులు గాని ఎవరైనా ఈ సామాన్యుడి ప్రశ్నలకు సమాధానం చెప్పి ఎంతో కొంత సమాజం పట్ల అంకిత భావం వున్నది అని నిరూపించండి.

నాకు తెలిసిన చరిత్ర చెప్పినా పట్టించుకోరు, ఎందుకంటే సామాన్యుడిని కదా… అత్యంత తెలివైన వారు రాజకీయ నాయకులు కాబట్టి పెద్దగా చరిత్రలోకి వెల్ల దలచుకోలేదు. దాదాపు ఓక పుష్కర కాలం కిందట, తెలుగువారు నలుదిక్కులా పయనిస్తూ వారి కీర్తిని ఖండాంతరాలు దాటిస్తూ ఒక వెలుగు వెలుగుతూ తల ఎత్తుకొని సగర్వంగా ప్రపంచాన నిలబడిన రోజులు అవి.

ఒక తాగుబోతు వ్యక్తి మంత్రి పదవి రాలేదని ఒక ప్రాంతంలోని తెలుగువారిని తన మాటల గారడితో నిజాల్ని పాతరేసి అబద్ధాలని చెప్తూ ప్రత్యేక రాష్ట్రం కోసం నమ్మించే ప్రయత్నం మొదలెట్టాడు, దానికి ఉద్యమాల పురిటిగడ్డ అయిన తెలంగాణా ప్రజలు అంతగా నమ్మక పోతుంటే, ఒక మహా అవినీతి రాజనీచజ్ఞుడు దానికి రాజకీయ రంగు పులిమి కాంగ్రెస్ పార్టీ నాయకులతో కూడా ప్రత్యేక రాష్ట్రం కావాలని రాష్ట్రపతికి లేఖ ఇప్పించి విభజనకి రాజకీయ రంగు పులిమారు, ఆ బృందానికి అధ్యక్షత వహించిన కడప నేత ఇప్పుడు సమైఖ్య వాది…కర్మ కాకపోతే ఎంటండి. అది కేవలం రాష్ట్రంలో అధికారంలో వున్న తెలుగుదేశం పార్టీని, చంద్రబాబునాయుడుని ఎదుర్కోటానికి వీరిద్దరూ కలిసి అత్యంత దుర్మార్గంగా పన్నిన ఒక పన్నాగం, వారి భవిష్యత్తు కోసం తెలుగువారి భవిష్యత్తుని నాశనం చేసిన నీచులు. అవునా?… కాదా? (అందుకే ఒకడు 6 సంవత్సరాలు ముఖ్యమంత్రి గా చేసి పావురాల గుట్టలో తెగి పడిన సగం కాలిన అవయవాలతో అత్యంత నీచంగా పరమపదించాడు)

అలా 2003 లో అధికారంలోకి వచ్చిన కాంగ్రెస్ ముఖ్యమంత్రి మహా అవినీతి రాజనీచజ్ఞుడు వేర్పాటు వాదులను ప్రభుత్వంలోకి తీసుకొని దుర్మార్గంగా పాలించటం మొదలుపెట్టాక కాని సదరు ఫారం హౌస్ పార్టికి అర్ధం కాలేదు ఆ రాజనీచజ్ఞుడు తెలంగాణాలోని భూములను ఎలా దోచుకున్టున్నాడో అని. పనిలో పని వీరికి కూడా కొంత గడ్డి వేసాడులెండి, అందుకే మాట్లాడారు. ఇలా ఆ రాజనీచుడి పాలనలో జరిగిన అవినీతిని చూసిన తెలంగాణా ప్రజలు అప్పుటినుండి తెలంగాణకు సీమంధ్ర నాయకులు ద్రోహం చేస్తున్నారని నమ్మటం మొదలెట్టారు, ఉద్యమించారు. అవునా?… కదా?

తెలంగాణాలో పటేల్ పట్వారి వ్యవస్థలను ఒక్క కలం పోటుతో రద్దు చేసింది, బడుగు బలహీన వర్గాలను అందునా మాదిగలను, కల్లు గీత కార్మికులను, పెత్తందారులనుండి విముక్తి చేసి రాజకీయాలను వాళ్ళ కాళ్ళ దగ్గర పడేసింది, ఆంధ్రుల హైదరాబాద్ ను ముక్కున వేలేసుకునేలా అభివృద్ధి చేసింది ఒక్క తెలుగుదేశమే. ఆ విషయాలు చంద్రబాబు ఎంత చెప్పినా ఆ రాజనీచుడి అవినీతి ముందు అరణ్య రోదన అయ్యింది. సాటి తెలుగు వారిని ఉద్యమాల పేరుతో ఫార్మ్ హౌస్ పార్టీ, కాంగ్రెస్ పార్టీ తప్పుడు మాటలు విని అసువులు బాసిన ఎందరో తెలంగాణా అభాగ్యులను చూసి మనసులో ఇష్టం లేక పోయిన తెలంగాణా ప్రాంతపు నాయకుల మరియు ప్రజల అభిప్రాయాలను గౌరవించి విభజనకు అనుకూలంగా లేఖ ఇచ్చాడు. ఇచ్చేటప్పుడు కాంగ్రెస్ నీచ బుద్ధి తెలుసు కాబట్టి  ఇరు ప్రాంతాలకు ఆమోదయోగ్యమైన విభజన చేస్తేనే తెలుగుదేశం పార్టీ విభజనకు అనుకూలం అని కూడా రాసిన పోలిటబ్యూరో లేఖపైన సంతకం చేసాడు దానికి ఇప్పటికీ కట్టుబడే వున్నాడు. అవునా?… కాదా?

2009 లో తెలుగుదేశంతో పొత్తు పెట్టుకున్న ఫార్మ్ హౌస్ పార్టీ తాగుబోతు ఎన్నికల్లో కాంగ్రెస్ నాయకులతో కుమ్మక్కై పొత్తులో భాగంగా బలహీన అభ్యర్ధులను పెట్టి లోపాయికారిగా కాంగ్రెస్ పార్టీకి సహకరించి తెలంగాణాను మరితగా ఎడారిని చేసారు. నిలువెత్తు సాక్ష్యం డబ్బు తీసుకొని నిజామాబాదులో డి.శ్రీనివాస్ మీద బలహీన మైన అభ్యర్ధి పెట్టారు అది తెలిసి అక్కడ ప్రజలే BJP అభ్యర్ధిని గెలిపించారు. అవునా?… కదా?

శవం పక్కన వుంచుకొని ముఖ్యమంత్రి పదవి కోసం చనిపోయిన తండ్రిని చూడటానికి వచ్చిన కాంగ్రెస్ పార్టీ అధినేత్రిని అడిగిన ఒక వ్యక్తి అధికార దాహం చూసి అవాక్కయి, కాదనిన ఆమె మీదే తిరుభాటు చేసి కడప పౌరుషానికి ఢిల్లీ పెత్తనానికి యుద్ధం అన్న దొంగబ్బాయి..గజన్ తన తండ్రి సమాధి సాక్షిగా తెలంగాణా సెంటిమెంటును గౌరవిస్తాం అని చెప్పి, జైలు నుండి బయటకు రావటానికి సోనియా కాళ్ళు పట్టుకొని తెలుగు వారి ఆత్మగౌరవాన్ని అదఃపాతాళానికి తోక్కేసి, అదే కాంగ్రేస్స్ ఆడినట్టు ఆడుతూ ఒకసారి సమన్యాయం అని, తెలంగాణాలో దుకాణం కట్టేసి ఆ తరువాత సమైఖ్యాంధ్ర  అని, ప్రజల్ని మోసం చేస్తుంది అవినీతి ycp పార్టీ. అవునా?… కాదా?అయ్యా కాంగ్రెస్ నాయకులారా తెలంగాణాకి వ్యతిరేకంగా పార్టీలో మీకు తెలియకుండా మీ పార్టీ నిర్ణయం తీసుకుందంటే నమ్మటానికి జనాలు ఎమ్మన్నా వెర్రి వెధవల్లగా కనపడుతున్నారా?

  • విభజన పైన కాంగ్రెస్ అంటోనీ కమిటీ వేసింది అన్నారు అది సోదిలో కూడా లేదు!
  • ఆ తరువాత అంటోనీ కమిటీ నివేదిక లేకుండా కాబినెట్ నోట్ రాదూ, రానివ్వం అని ప్రగల్బాలు పలికారు.. అది కూడా వచ్చింది
  • నోట్ వస్తే సరిపోద్దా అది ఆమోదం పొందాలికదా అన్నారు, మీరు వున్న మీటింగ్ లోనే వచ్చింది ఆమోదం కూడా పొందింది!
  • ఆమోదం పొందినంత మాత్రాన రాష్ట్రపతి ఆమోదించాలి కదా అన్నారు, రాష్ట్ర అసెంబ్లీకి బిల్ వస్తే ఓడిస్తాం అదీ ప్రతిపక్షాల మద్దతుతో అన్నారు, కానీ బిల్లు రావటం లేదు తీర్మానమే అది కూడా చర్చ కోసమే అని తేల్చారు!
  • మా స్టార్ బాటింగ్ వీరుడు వస్తాడు అన్నారు ప్రతి సారి డక్కౌట్ అవుతూనే వున్నాడు కిరికిరి రెడ్డి. అసలు ముఖ్యమంత్రి అనే వాడినే కాంగ్రెస్ అధిష్టానం లెక్క చేయక పోతుంటే ఇంకా ఈడెంపీకుతాడు అని జనాల్ని ఇంకా మభ్య పెడుతున్నారు?
  • సీమంధ్రకు మాత్రమే ముఖ్యమంత్రి లాగా ప్రవర్తిస్తే అది ఆ కుర్చికే అవమానం, ఆ కుర్చీలో కూర్చునే వ్యక్తికి అందరికీ ఆమోదయోగ్యంగా ఉండాలి, లేకపోతే రాజీనామా చేసి ఉద్యమం చెయ్యి ఎవరు కాదన్నారు? చేసే పని మీద గౌరవ లేకపోతే రాష్ట్రం ఇంతకన్నా లోతుకి దిగజారిపోతుంది ముఖ్యమంత్రి గారు?
  • రాజీనామాలు చేయటం రాదో లేక ఇష్టం లేదో మాకు తెలియదు కాని, మీరు రాజీనామా చేయక పోయిన ఫరవాలేదు తెలుగు ప్రజలని ఇంకా ఇంకా మోసం చేయకండి, ఇంతకన్నా దగా, మోసం, కుట్ర మేము భరిన్చలేము!
  • ఆఖరికి మీ పార్టీ నాయకులే దొంగబ్బాయి గజన్ కోసం కాంగ్రెస్ మోసం చేసింది అని అంటుంటే ఇంకా దొంగల పార్టీ ప్రజలని మోసం చేయాలనే భావం తో పనే చేస్తున్న మాట నిజామా?… కాదా?

ఉద్యోగులకు నా సూటి ప్రశ్న. సీమాంధ్ర  ఉద్యమాన్ని కిన్చపరచలేను ఎందుకంటే దానిని ప్రజలు మోసారు కాబట్టి. కాని ఉద్యోగుల ప్రవర్తన మాత్రం ప్రజల్ని మోసం చేసే విధంగా ఉంది, ఎందుకంటే పైన కాంగ్రెస్ నాయకులు చెప్పినవన్నీ వీరు కూడా చెప్పి ప్రజల్ని 80 రోజులుగా రోడ్లపైన వుంచి జీతలకోసం ఉద్యోగాల్లో చేరి ఇప్పుడ ప్రజలు ఎవరికీ ఓటు వెయ్యాలో వీరు చెప్తారు అంట మేము వినాలంట.

  • స్పష్టమైన హామీ వస్తే నే ఉద్యమం ఆపుతం అని, ముఖ్యమంత్రి హామీ ఇవ్వక పోయినా ఎందుకు ఉద్యమాన్ని ఆపారు?
  • జీతాల కోసం ఉద్యమాన్ని మీరు ఆపి ప్రజల్ని ఎందుకు ఇంకా ఉద్యమం వైపు నడిపిస్తున్నారు?
  • మీరు ఎవరు మేము ఎవరికీ ఓటు వెయ్యాలో చెప్పటానికి, ఏమి అధికారం వుంది మీకు?
  • అసలు విలువలేని ముఖ్యమంత్రి కి కోమ్ము కాస్తూ ప్రజల్ని ఇంకా మభ్య పెట్టకండి. అది ప్రజలకి మీ మీద వున్న గౌరవాన్ని పోగొట్టి మిమ్మల్ని కాంగ్రెస్ నాయకుల్లగా ఈ సమాజం శ్రేయస్సు కోరే పాత్రలనుండి భాహిష్కరిస్తారు. అది గుర్తెరిగి ప్రవర్తిస్తే మీకు మాకు మంచిది.

అశోక్ బాబు గారు ఒకసారి తెలంగాణా NGOలకు సంఘీభావంగా వారితో కలిసి ఉద్యమంలో పాల్గొనిన ఆధారం ఇప్పటికే చాలామంది చూసారు? కాంగ్రెస్ తొత్తుగా అయన చెప్పేది  ప్రజలు ఎందుకు విస్వసించాలి? మరి ఇలాంటి వ్యక్తులు ఉద్యమాన్ని నడుపుతుంటే ప్రజల్ని గొర్రెలు చేసి అయోమయంలో నెట్టడం తప్పే కదా

మరలా ఆంధ్రప్రదేశ్ లో తెలుగుదేశం పుంజుకుంటున్నది అన్న ఇంటలిజెన్స్ నివేదిక చూసి కాంగ్రెస్ నాయకురాలకు కళ్ళు బైర్లు కమ్మి, తెలుగుదేశం పున్జుకుంటే కేంద్రంలో కాంగ్రేస్సేతర ప్రభుత్వం ఎక్కడ వస్తుందో అన్న భయంతో , అదే నివేదికలో అధినేత్రి, ఆమె కొడుకు కూడా ఉత్తర ప్రదేశ్ లో గెలిచే అవకాశం లేదనే నిజం జీర్ణించు కోలేక… ఉద్యమం మొదలు పెట్టిన దశాబ్ద కాలం తరువాత తెలంగాణాను దుమ్ము దులిపి తెలంగాణా ప్రాంతంలో ycpని లేకుండా చేసి తెరాసతో పొత్తు పెట్టుకొని, సీమంధ్రలో తన బలాన్ని ycpకి బదలాయించి అ పార్టీ సమైఖ్య నినాదాన్ని బుజనికేత్తుకొనేలా చేయించి ప్రజలను మభ్యపెట్టి  తరువాత తనలో కలుపుకొనే పధక రచన చేసింది దగాకోర్ కాంగ్రెస్ . చంటబ్బాయి పప్పుని తెలంగాణా నుండి పోటి చేయించి గెలుపొందొచ్చు అని నీచ రాజకీయానికి తేర తీసింది నికృష్ట కాంగ్రెస్. సరిగ్గా 10 ఏళ్ల కిందట ఇద్దరి స్వార్ధ రాజకీయ భవిష్యత్తు కోసం ఎలా అయితే రాష్ట్రాన్ని బ్రష్టు పట్టించారో సరిగ్గా అలాగే ఇప్పుడు కూడా ఇద్దరి రాజకీయ జీవితాల(చంటబ్బాయి, దొంగబ్బాయి) కోసం తెలుగు ప్రజలను, వారి బిడ్డల భవిష్యత్తును కర్కశంగా బలిచ్చి ఆ రక్తంతో అధికారానికి అభిషేకించి మిగిలిన మాంసపు ముద్దను కూరోన్డుకొని తినటానికి సిద్ధమయ్యారు దిక్కు మాలిన తల్లి – పిల్ల కాంగ్రెస్ పార్టీ వాళ్ళు. ఇది పచ్చి నిజం, అవునా?…కాదా?

అన్నీ పార్టీలు లేఖలు ఇచ్చినాయి అని ప్రతి రోజు గీతం పడే డిగ్గి రాజా, లేఖలోని రెండో పేజి చదవటం ఇష్టం లేదనుకుంటా. వారు ఏమి రాసారు.. ఇరు ప్రాంతాలకి ఆమోదయోగ్యమైన విభజన చేస్తే ఎటువంటి అభ్యంతరం లేదు అని రాసి మరీ ఇచ్చారు. డ్రైవింగ్ లైసెన్స్ ఇచ్చినంత మాత్రాన అందరినీ గుద్దుకుంటా వెళ్ళమని కాదు రాజా, రూల్స్ పాటిస్తూ రోడ్ప పైన పద్ధ్తతిగా వెళ్ళమని. విభజించాలని నిర్ణయం తీసుకుంటే సరిపోతుందా? నీటిని ఎలా పంచుతారు, రాష్ట్రం ప్రభుత్వం చేసిన అప్పులు ఏ ప్రాతిపదికిన పంచుతారు, రాష్ట్ర రాజధానిలో పెట్టిన పెట్టుబడులు, వాటి నుండి వచ్చే ఆదాయాన్ని ఎలా పంచుతారు. కనీస భాద్యతగా ఎలా చేయదలిచారో చెప్పాలి కదా? ఇలా పంచ దలచాము అని అందరిని కూర్చోబెట్టి విభజిస్తే మీకు పోయేది ఏముంటది? తెలుగుదేశం పార్టీని బలహీన పరచటానికి తెలుగు ప్రజల జీవితాలతో ఆడుకోవటం మీ నీచ నికృష్ట  అసంబద్ధ నియంతృత్వ నిర్ణయాలకు పరాకాష్ట. ఒక ఒర్దినన్స్ కేంద్ర కాబినెట్ ఆమోదం పొందిన తరువాత కూడా చంటబ్బాయి రాహుల్ పప్పుకి నచ్చలేదని చించి పారేసిన కాంగ్రెస్ మరి ఇక్కడ ఎంతో మంది తెలుగు బిడ్డలు 80 రోజులుగా మీరు తీసుకున్న నిర్ణయం మాకు నచ్చలేదో అని మొత్తుకుంటుంటే కనీసం ఒక్కడికైనా చీమ కుట్టినట్టైనా లేదు. ఎందుకు తెలుగు వారంటే కాంగ్రెస్ కు అంత కోపం,

  • ఈ దేశాన్ని నిరంకుశంగా పాలిస్తూ ఈ రాష్ట్ర ముఖ్యమంత్రిని కాలితో తన్నితే పడున్దకుండా పార్టీ పెట్టిన  9 నెలలో మిమ్మల్ని మట్టికరిపించిన తెలుగుదేశంకు పట్టం కట్టడం తెలుగు ప్రజలు చేసిన తప్పా?
  • దేశం కోసం పి.వి. మిమ్మల్ని పక్కన పెట్టడం తప్పా?
  • దేశ భవిష్యత్తు కోసం తెలుగుదేశం NDA కి మద్ధత్తు  ఇవ్వడం తప్పా?

పనికిమాలిన వాడని తెలిసి కూడా జనాల మీద నీ కొడుకుని రుద్దాలని చూస్తే ఊరుకోటానికి తెలుగు బిడ్డలు చేవ చచ్చినవారు కాదు ఇటలీ ఒనియా.., బిజియమ్మా ఇక్కడ నీ కొడుక్కోసం కాంగ్రెస్ వారితో చేతులు కలిపి ఎంతో మంది తెలుగు ఆడపడుచుల బిడ్డల ఉసురు మీకు తగలకుండా పోదు.

తెలుగు ప్రజలకు ఓక విన్నపం, కాంగ్రెస్ భూస్థాపితంచేస్తే గాని మనకు న్యాయం జరగదు, కాబట్టి కాంగ్రెస్ కి సాయం చేసేవారిని కూడా దూరంగా పెడతారని ఆశిస్తూ… మీ హర్ష.

వీరిని ఏంచెయ్యాలి ? ( వీరిని ఏమనాలి-2)

నమస్కారం,

కొందరు రాజకీయ నాయకులను ఏమనాలో, ఏమ్చేయ్యాలో అర్ధం కాక వీరిని ఏమనాలి అనే వ్యాసం రాసాను దానికి కొనసాగింపుగానే ఈ వ్యాసం.

ఈ మధ్యన ఒక తెలంగాణా పార్టీలోని నాయకులు దొరకని కేసంటూ లేకుండా పోయింది… అమ్మాయిలను సాని కొంపలకు అమ్మే కేసులో , దొంగ పాసుపోర్టులు కేసు లో, IPL మ్యాచ్ ఫిక్సింగ్ కేసులో, కబ్జా కేసులో,  వసూళ్ళ కేసులో ఇంకా ఏమి లేవు అనుకుంటుండగానే సాక్షాత్తు ఆ పార్టీ అధ్యక్షుడి పుత్రరత్నం ఏకంగా కిడ్నాప్ కేసులో అడ్డంగా దొరికాడు. వీరిని ఏమని తిట్టాలో కూడా అర్ధం కావటం లేదు. ఇలాంటి రాబందు దొరల చేత చిక్కి అల్లాడుతున్న తెలంగాణా ప్రజలను చూస్తుంటే జాలి పడాలో లేక ఏడవాలో అర్ధం కావటం లేదు. ఇలాంటి వాళ్ళని లక్ష చెప్పులతో కాదు, జీవిత కాలం చప్రాసి పని చేసినా వారు ఈ తెలుగు గడ్డకి చేసిన పాపం పోదు. వంద మంది నిర్భాగ్యుల బాలి దానాల పైన కూర్చొని వికటాట్టహాసం చేస్తూ చేయకూడని సంఘవ్యతిరేక పనులన్నీ చేస్తూ ఈ సమజాన్ని, వ్యవస్తలని అపహాస్యం చేస్తూ వీరు సాగిస్తున్న రాజకీయ క్రినీడలను ఇకనైనా తెలంగాణా తెలుగు ప్రజలు అర్ధం చేసుకొని వీరిని భోంద పెడితేనే వీరికి సరైన శిక్ష.

ఇది ఇలా వుంటే పిల్ల కాంగ్రెస్ పార్టీ ఇన్నాళ్ళు జనాల చెవిలోనే పువ్వులు పెడుతూ వచ్చారు, ఇప్పుడు ఇంకో అడుగు ముందుకు వేసి జనాల కళ్ళని కూడా మోసం చేసే ప్రయత్నం చూస్తుంటే “నవ్వి పోదురుగాక నాకేమి సిగ్గు” అనే సామెత గుర్తుకు వస్తుంది. కృష్ణ పట్నం  భూకేటాయింపు సంబంధించి ఒక శీర్షిక ఈనాడు వెలుగులోకి తీసుకు వస్తే చదివిన వారంతా వీరి అవినీతి దాహానికి ఎప్పటికీ తీరుతుందో అని నోళ్ళు నొక్కుకోవటం ప్రజల వొంతైంది.ఎటువంటి MOU కుదుర్చు కోకుండా దాదాపు 5౦౦౦ ఎకరాలు ప్రజల సొమ్మును ఎటువంటి హామీ లేకుండా ధారాదత్తం చేయసాడు అప్పటి అవినీతి ఫ్యాక్షన్ ముఖ్యమంత్రి. దానికి పిల్ల కాంగ్రెస్ నాయకులు 1998 లో చంద్రబాబు హయం లోనే అప్పటి రాష్ట్ర ప్రభుత్వంతో MOU కుదిరింది అని పిల్ల కాంగ్రెస్ తిరుపతి MLA ప్రెస్ మీట్ పెట్టి నొక్కి వక్కాణించాడు. కాని అసలు విషయం 1998లో చంద్రబాబు హయాంలో NATCO PHARMA తో DFO(Detailed Feasibility Report ) అనగా సాధ్యాసాధ్యాలు నిసితంగా పర్సీలిన్చటానికి కుదుర్చుకున్న ఒప్పందం, దానిని చూపించి ఇప్పటివరకు రాష్ట్ర ప్రజల చెవిలో పెట్టె పూలను ఇప్పుడు స్వయానా ఆ పార్టీ MLA కళ్ళల్లో కూడా పెట్టె ప్రయతం గర్హనీయం. MOUకి DFOకి తేడా ప్రజలకి తెలియదని వారు అనుకున్నారేమో, ప్రజలు అంత అవివేకులు కాదు నీతి బ్రష్ట నాయకా. కృష్ణపట్నం ఇన్ఫ్రా టెక్ వేల ఎకరాలు ఎవడబ్బ సొమ్మని ధారాదత్తం చేసాడు మీ నాయకుడు, ప్రజల సొమ్మును చాక్లెట్ చప్పరించినట్టు చప్పరించి మీరు కూడబెట్టే ఆస్తులు చూసి ప్రజలు ముక్కున వేలేసుకుంటున్నారు. ఆఖరికి మీ CA సాయి రెడ్డిని RBI గవర్నర్ చేయాలనీ అవినీతి బ్రష్ట నాయకుడు ప్రయత్నం చేయటాన్ని చూస్తే ఎంత తిన్నా సరిపోక చివరికి డబ్బులు ప్రింట్ చేసుకోటానికి చేసే ప్రయత్నంగా ప్రజలకు అనిపిస్తుంది. ఇలాంటి నీచ భుద్ధి కలిగిన వాళ్ళని  ఏమి చెయ్యాలి, ఏమి అనాలి.

నీతి బ్రష్ట పనులు చేస్తున్న తెలంగాణా పార్టీ MLAలను, నాయకులను ఎన్నుకొని నేత్తిన పెట్టుకున్నామనే తెలంగాణా ప్రజల భాదను అర్ధం చేసుకోగలం అలాగే ఒక MLA అయ్యుండి MOUకి DFOకి తేడా తెలియని దద్దమ్మని ఎన్నుకున్నామే అని తిరుపతి ప్రజలు ఎంత బాధ పడుంటారో అర్ధం చేసుకోగలము, మరలా అటువంటి తప్పు చెయ్యొద్దని తెలుగు ప్రజలకు మనవి చేసుకుంటూ మీ హర్ష.